კონფიდენციალურობის პოლიტიკა

1. რა მონაცემებს ვაგროვებთ

• ანგარიშის მონაცემები: ტელეფონის ნომერი, სახელი, მომხმარებლის სახელი, ავატარი.
• კომუნიკაცია: შეტყობინებები, მედია-ფაილები, ზარების მეტამონაცემები (ვინ, ვისთან, როდის — შინაარსის გარეშე).
• Chiti Service (Gov/Gov+): პირადი ნომერი და ავტომობილის სანომრე ნიშნები — მხოლოდ თქვენი მითითებით.
• ბიზნეს გვერდები: საკონტაქტო და საგადასახადო მონაცემები, კატალოგი.
• ტექნიკური მონაცემები: მოწყობილობის ტიპი, IP-მისამართი, სესიები, შეცდომების ჟურნალი.

2. რა მიზნით და რა სამართლებრივი საფუძვლით ვამუშავებთ

პერსონალურ მონაცემებს ვამუშავებთ შემდეგი სამართლებრივი საფუძვლებით: თქვენი თანხმობა (მაგ.: კონტაქტების სინქრონიზაცია, გეოლოკაცია და ჯანმრთელობის განსაკუთრებული კატეგორიის ჩანაწერები „ოჯახის“ ტარიფში — ამათ სჭირდება თქვენი ცალსახა თანხმობა); ხელშეკრულების შესრულება (სერვისისა და ფასიანი გამოწერების მიწოდება); ჩვენი ლეგიტიმური ინტერესი (უსაფრთხოება, თაღლითობისა და სპამის პრევენცია); და კანონისმიერი ვალდებულებების შესრულება (ბუღალტერია და გადასახადები). დამუშავების მიზნებია:

• სერვისის მიწოდება: შეტყობინებების მიტანა, ზარები, გამოწერების მართვა.
• უსაფრთხოება: ავტორიზაცია SMS-კოდით, თაღლითობისა და სპამის პრევენცია, მოდერაცია.
• პერსონალური შეხსენებების (ტექდათვალიერება, გადასახადის ვადები) მიწოდება Gov/Gov+ გამოწერის ფარგლებში, თქვენ მიერ შეყვანილ მონაცემებზე დაყრდნობით.
• კანონისმიერი ვალდებულებების შესრულება (ბუღალტერია, საგადასახადო აღრიცხვა).

3. სად და როგორ ინახება

მონაცემები ინახება Hetzner Online GmbH-ის მონაცემთა ცენტრებში (გერმანია, ევროკავშირი). გადაცემა ხდება დაშიფრული არხებით (TLS).

მგრძნობიარე ველები — პირადი ნომერი და სანომრე ნიშნები — სერვერზე ინახება AES-256 შიფრით. ანგარიშის დამატებითი დაცვისთვის ხელმისაწვდომია ორფაქტორიანი ავტორიზაცია (Cloud Password).

4. ვის გადაეცემა მონაცემები

თქვენს მონაცემებს არ ვყიდით და არ გადავცემთ მესამე პირებს მარკეტინგული მიზნით. დამუშავებაში მონაწილეობენ მხოლოდ ტექნიკური პროვაიდერები:

• UBill — SMS-კოდების გაგზავნა ავტორიზაციისთვის.
• ლიცენზირებული ქართული საგადახდო პროვაიდერები — ბარათით გადახდები; ბარათის სრულ მონაცემებს ჩვენ არ ვინახავთ.
• Anthropic (Claude), აშშ — შეტყობინების თარგმნა და AI-ფუნქციები მხოლოდ თქვენი მოთხოვნით; ამ დროს შესაბამისი ტექსტი გადაეცემა საქართველოს ფარგლებს გარეთ. AI-ფუნქციები შეგიძლიათ გამორთოთ პარამეტრებში.
• Hetzner Online GmbH — ჰოსტინგი.
• Sentry — ტექნიკური შეცდომების აღრიცხვა.
• სახელმწიფო ორგანოები — მხოლოდ საქართველოს კანონმდებლობით გათვალისწინებული ოფიციალური მოთხოვნის საფუძველზე.

5. რამდენ ხანს ვინახავთ

• აქტიური ანგარიშის მონაცემები — სანამ სერვისით სარგებლობთ.
• წაშლილი ანგარიში — ფიზიკურად იშლება 30 დღეში.
• სარეზერვო ასლები — ინახება 30 დღე.
• ფინანსური ჩანაწერები — კანონით დადგენილი ვადით.

6. თქვენი უფლებები

გაქვთ უფლება მოითხოვოთ თქვენი მონაცემების წვდომა, ასლი (ექსპორტი), გასწორება ან წაშლა, ასევე გაითხოვოთ თანხმობა. მოთხოვნა გაგზავნეთ info@cchat.ge-ზე ან აპლიკაციის პარამეტრებიდან; ვუპასუხებთ 10 სამუშაო დღეში.

თუ მიგაჩნიათ, რომ თქვენი უფლებები დაირღვა, შეგიძლიათ მიმართოთ საქართველოს პერსონალურ მონაცემთა დაცვის სამსახურს. ევროკავშირის მომხმარებლებზე დამატებით ვრცელდება GDPR-ის უფლებები.

7. ბავშვები

Chiti განკუთვნილია 16 წლის და უფროსი ასაკის მომხმარებლებისთვის; ასაკი მოწმდება რეგისტრაციისას. დეტალები იხილეთ ბავშვთა კონფიდენციალურობის პოლიტიკაში (cchat.ge/children-privacy).

8. ცვლილებები

პოლიტიკის განახლებისას ამ გვერდზე შეიცვლება ვერსია და თარიღი. არსებითი ცვლილების შესახებ შეგატყობინებთ აპლიკაციაში.